Дюссельдорф. Илк куннинг барча ғолиб ва совриндорлари (Эркаклар)

Мусобақанинг илк куни эркаклар ўртасидаги баҳсларда икки вазн тоифасида ғолиб ва совриндорлар номи маълум бўлди. Рио-2016 Олимпиадаси совриндори, Осиё ўйинлари ғолиби Диёрбек Ўрозбоев қатнашган -60 кг вазн тоифасида дзюдо ватани вакили Риюжи Нагаяма олтин медални қўлга киритди. Япониялик дзюдочи финал учрашувида россиялик Роберт Мшвидобадзени мағлуб этди. Ушбу вазнда голландиялик Торнике Цкадоеа ва грузиялик Лухуми Чквимиани бронза медалига сазовор бўлишди. Ўрозбоев 7-ўринни эгаллади. 

-60 кг:

1. Риюжи Нагаяма (Япония)

2. Роберт Мшвидобадзе (Россия)

3. Торнике Цкадоеа (Голландия)

3. Лухуми Чквимиани (Грузия)

-66 кг вазн тоифасида япониялик Йоширо Маруямага тенг келувчи рақиб топилмади. Кунчиқар юрт вакили финал беллашувида кореялик Лим Хван Кимдан устун келди. Россиялик Якуб Шамилов ҳамда мўғулистонлик Башкуу Йондонперелей бронза медалига эга чиқшди. Ушбу вазн тоифасида юртимиз шарафини Артём Штурбабин ҳимоя қилди. У хитойлик Жикянг Ву, германиялик Мануэль Шейбелни мағлуб этиб, учинчи баҳсида кореялик Ким Лим Хванга ютқазиб қўйган эди. 

-66 кг:

1. Йоширо Маруяма (Япония)

2. Лим Хван Ким (Жанубий Корея)

3. Якуб Шамилов (Россия)

3. Башкуу Йондонперелей (Мўғулистон)