22 фев 13:07
Янгиликлар

Дзюдо

Дюссельдорф. Штурбабин ғалаба билан бошлади

Бугун Германиянинг Дюссельдорф шаҳрида “Катта Дубулға” туркумига кирувчи нуфузли турнир старт олди.

Жорий йил ҳисобидан иккинчи “Катта Дубулға” турнирида 10 нафар ўзбекистонлик полвонлар ҳам иштирок этяпти. Ҳамюртларимиздан -66 кг вазн тоифасидаги вакилимиз Артём Штурбабин мусобақадаги иштирокини ғалаба билан бошлади.

Кичик Штурбабин илк даврада хитойлик Жикянг Вуга қарши баҳс олиб борди ва ғалабага эришди. Энди Артём иккинчи босқичда германиялик Мануэль Шейбелга қарши татамига чиқади. Олмон дзюдочиси илк босқичда беларуслик Дмитрий Шершандан устун келди.