22 ноя 07:12
Янгиликлар

Дзюдо

Дзюдо бўйича Ўзбекистон чемпионатининг илк куни 4 та вазнда ғолиблар аниқланди ФОТОГАЛЕРЕЯ

Кеча "Жиззах Киберспорт арена"си дзюдо бўйича катталар ўртасидаги Ўзбекистон чемпионати бошланди.

Мамлакат биринчилигида Қорақалпоғистон Республикаси, барча вилоятлар ҳамда Тошкент шаҳридан сараланиб келган 400 нафарга яқин дзюдочи медаллар учун баҳс олиб боряпти. Мусобақанинг илк куни эркаклар -60, -66 кг, аёллар эса -48 ва -52 кг вазн тоифаларида татамига чиқишди.

Кутилганидек, аёллар ўртасида -52 кг вазн тоифасида амалдаги мамлакат чемпиони Гулҳаё Жўраева олтин медални қўлга киритди. Қашқадарёлик дзюдочимиз финалда Сўғдиёна Рафкатовадан устун келди. Тақдирлаш маросимида -52 кг вазн тоифасида Париж-2024 Олимпиадаси чемпиони Диёра Келдиёрованинг иштирок этгани эътиборга молик ҳолат.

Эркаклар ўртасида -60 кг вазн тоифасидаги беллашувлар муросасиз кечди. Бухоролик дзюдочилар Анваржон Иброҳимов ва Муродил Муродиллоев ўртасида кечган финал баҳсида Иброҳимовнинг қўли баланд келди. Яна бир бухоролик дзюдочи Баҳром Ботуров бронза медалига сазовор бўлди.

-66 кг вазн тоифасидаги беллашувларда 53 нафар иштирокчи медаллар учун курашга киришди. Якунда тажрибали рақибларини ортда қолдирган навоийлик Азизбек Ортиқов Ўзбекистон чемпиони бўлди. У финалда истеъдодли дзюдочимиз Замаҳшарий Бекмуродовдан устун келди. Кураш бўйича Осиё ва жаҳон чемпиони Артём Штурбабиннинг бронза медалини қўлга киритгани бу вазнда яна бир даъвогар пайдо бўлганини кўрсатмоқда.

Ўзбекистон чемпионати. Биринчи кун ғолиб ва совриндорлари!

-48 кг вазн тоифаси (29 иштирокчи)

1. Лазиза Ҳайдарова (Навоий)

2. Руҳшона Алишерова (Бухоро)

3. Фотимахон Турсунбоева (Наманган)

3. Улбусин Ҳакимова (Сирдарё)

-52 кг вазн тоифаси (21 иштирокчи)

1. Гулҳаё Жўраева (Қашқадарё)

2. Сўғдиёна Рафкатова (Хоразм)

3. Зарина Жамалова (Тошкент вилояти)

3. Умида Жуманиязова (Қорақалпоғистон)

-60 кг вазн тоифаси (51 иштирокчи)