21 сен 08:22
Янгиликлар

Дзюдо

Дзюдо. Жаҳон чемпионатининг илк куни омадсиз келди

Озарбайжон пойтахти Боку шаҳрида дзюдо бўйича йилнинг энг нуфузли мусобақаси - жаҳон чемпионати бўлиб ўтмоқда.

Сайёрамизнинг 131 мамлакатидан 800 нафарга яқин спортчи иштирок этаётган нуфузли мусобақада ўзбекистонлик полвонлар ҳам совринли ўринлар учун кураш олиб боришяпти.

Афсуски, жаҳон чемпионатининг илк куни дзюдочиларимиз учун ўта омадсиз келди. Медаллардан бирига даъвогар сифатида кўрилган Шарофиддин Лутфуллаев (-60 кг) иккинчи учрашувида қирғизистонлик Отар Бестаевга имкониятни бой берди.

Аёллар ўртасидаги баҳсларда татамига чиққан Маржона Салоҳиддинова (-48кг) ҳам иккинчи даврада мўғулистонлик Уранцегцег Мунхбатга ютқазиб қўйди. Бугун қолган вазн тоифасидаги дзюдочиларимиз ўз имкониятларини синовдан ўтказишади.