Дзюдо. Сардор Нуриллаев бронза медали учун жанг қилади

-66кг вазн тоифасида бўлиб ўтаётган баҳсларда фақатгина бир вакилимиз медаллар учун кураш олиб бориш имкониятини сақлаб қолган. Сардор Нуриллаев россиялик ва мўғулистонлик рақибларини мағлубиятга учратиб, ярим финалгача етиб борганди.

Афсуски, у финал йўлланмаси учун бўлиб ўтган жангда белоруслик Дмитрий Минкоуга имкониятни бой бериб қўйди ва бронза медали учун жанг олиб боради. Ушбу жангда вакилимизга Исроил вакили Барух Шмаилов рақиблик қилади.

Ушбу вазн тоифасидаги бошқа спортчиларимиз Ҳожиакбар Олимов, Азамат Матякубов ва Муроджон Йўлдошевлар илк жангларидаёқ имкониятни бой бериб қўйдилар.

-66кг. Кечки жанглар:

Бронза: Барух Шмаилов (Исроил) - Сардор Нуриллаев

Бронза: Алтансух Довдон (Мўғулистон) - Артур Те (Қирғизистон)

Олтин: Херлен Ганболд (Мўғулистон) - Дмитрий Минкоу (Белорусь)