Дзюдо. Шарофиддин Болтабоев сониялар ичида рақибини мағлуб этди ва чорак финалга чиқди

Аввалроқ хабар бериб ўтганимиздек, мусобақада -81 кг вазн тоифасида юртимиз шарафини ҳимоя қилаётган Шарофиддин Болтабоев нимчорак финалда грециялик Алексиос Нтанатсидисга қарши татамига чиқди ва бир неча сония ичида рақибини иппон эвазига мағлуб этиб, чорак финалга йўл олди.

Эслатиб ўтамиз, Болтабоев биринчи давра беллашувида молдовалик Никон Забороскиусдан, иккинчи даврада эса япониялик кучли рақиб Сотаро Фуживарадан устун келган эди. Учинчи даврада эса австриялик Шамил Борчашвилини мағлуб этганди.

Энди Шарофиддин ярим финал йўлланмаси учун Исроил вакили Саги Мукига қарши жанг қилади.