31 мар 17:52
Янгиликлар
Дзюдо
Дзюдо. Спортчиларимиз биринчи кунги мусобақаларда медаль қўлга кирита олмадилар
Бугун Грузия пойтахти Тбилисида дзюдо бўйича нуфузли Гран-При турнири старт олди.
Бугун -60 ҳамда -66 кг вазн тоифасида мусобақалар ўтказилди.
-60 кг вазн тоифасида юртимиз шарафини ҳимоя қилган Муҳиддин Тиловов ярим финалгача қозоғистонлик ва россиялик рақибларини мағлубиятга учратди. Финал остонасида эса у мезбон спортчи Лукуми Чквимианига имкониятни бой бериб қўйди. Бронза медали учун бўлиб ўтган жангда эса Муҳиддин Бразилия вакили Филипп Пелимга ютқазди.
Ушбу вазн тоифасидаги бошқа бир спортчимиз Дониёр Султонбоев илк жангидаёқ озарбайжонлик рақибига имкониятни бой бериб қўйди ва мусобақа билан хайрлашди.
-66 кг вазнли спортчиларимиз Сардор Нуриллаев ва Баҳром Иноятовлар ҳам медаль қўлга киритиш имкониятларидан фойдалана олмадилар.
Ҳавола :
Манба : olamsport.com
Фикрлар