Дзюдочиларимиз Африка қитъасига жўнаб кетишяпти

Дзюдочиларимиз 8-10 март кунлари бўлиб ўтадиган Марокаш Гран-присида иштирок этишади. Ушбу мусобақада дунёнинг 5 қитъаси 71 давлатидан жами 487 дзюдочи медаллар ҳамда муҳим рейтинг очколари учун татамига чиқади. 

Мамлакатимиз шарафини 14 нафар полвонларимиз ҳимоя қилишади. Терма жамоамиз таркибидан Шарофиддин Лутфуллаев, Ғиёсжон Бобоев, Яхё Имомов, Шерали Жўраев сингари тажрибали дзюдочилар жой олган. 

Терма жамоа таркиби: 

-60 кг: Шарофиддин Лутфуллаев, Достон Рўзиев

-66 кг: Шаҳрам Ахадов, Сардор Нуруллаев

-73 кг: Ғиёсжон Бобоев, Ҳикматилло Тўраев

-81 кг: Шарофиддин Болтабоев

-90 кг: Яхё Имомов 

-100 кг: Муҳаммадкарим Хуррамов, Шерали Жўраев

Қизлар:

-57 кг: Амина Мамедова

-63 кг: Хожинисо Камолодинова

-70 кг: Муҳайё Ибрагимова 

-78 кг: Шохиста Анарова 

Мураббийлар: Адҳам Жамолов, Камол Муродов, Улуғбек Азизов