21 июн 08:42
Янгиликлар

Дзюдо

Дзюдочиларимиз Европа Кубогига тайёргарликни қизғин давом эттиришмоқда ФОТОРЕПОРТАЖ

Ўзбекистон ёшлар терма жамоасининг пойтахт вилояти тоғли Дукент шаҳарчасидаги ўқув-машғулот йиғини давом этмоқда.

Мураббийлар Камол Муродов, Диёрбек Ўразбоев ушбу йиғинда асосий эътиборни жисмоний тайёргарлик, спортчиларнинг умумий функционал ҳолатини маромига етказиш, чидамлиликни оширишга қаратилди. Тоғ шароитида ўтаётган машғулотлар айнан шу учун хизмат қилмоқда.

Тайёргарликнинг иккинчи босқичи Тошкентда давом эттирилади. Ўзбекистон дзюдо федерацияси базасида ўтажак ушбу йиғинда эса тактикалар устида ишлаш, татамидаги спарринг машғулотларга эътибор қаратилади.

Ушбу машғулот йиғинлари 5-6 июль кунлари Чехияда ўтказиладиган Европа Кубогига тайёргарлик вазифасини ўтаб беради. Дзюдочиларимиз Ўзбекистон шарафини халқаро аренада муносиб ҳимоя қилиш учун машғулотларда астойдил ишлашяпти.