Дзюдочиларимиз манзилга етиб боришди, бугун қуръа!

Уч кун давом этадиган мусобақада сайёрамизнинг 5 қитъаси 78 давлатидан жами 533 нафар иштирокчи Гран-При медаллари ҳамда Токио-2020 Олимпиадасининг муҳим рейтинг очколари учун татамига чиқади.

Улар орасида Ўзбекистон терма жамоасининг 8 нафар дзюдочиси ҳам ўз маҳоратини намойиш этади. Фарҳод Тўраев ва Камол Муродов бошчилигидаги терма жамоамиз делегацияси Тошкент - Истанбул - Анталия авиарейси йўналишида кўзланган манзилга етиб боришди. Бугун мусобақага қуръа ташлаш маросими бўлиб ўтади. 

Анталия Гран-Присига йўл олган делегациямиз таркиби:

-60 кг: Кемран Нуриллаев, Достон Рўзиев

-66 кг: Шахрам Аҳадов

-73 кг: Ғиёсжон Бобоев

-90 кг: Шаҳзодбек Собиров 

-100 кг: Шерали Жўраев, Аловиддин Жўрақулов

+100 кг: Алишер Юсупов

Мураббийлар: Фарҳод Тўраев, Камол Муродов, Ўктам Раҳмонов

Шифокор: Жавлон Ҳасанов