Дзюдочиларимиз Париж "Катта Дубулға" турнирига йўл олишди

Бугун тонг саҳарда Paris Grand Slam 2020 турнирида иштирок этувчи терма жамоамиз делегацияси Тошкент - Истанбул - Париж авиа йўналиши бўйлаб Франция пойтахтига жўнаб кетди. AccorHotels Arena гиламларида юртимиз шарафини 15 нафар дзюдочимиз ҳимоя қилади. 

Умуман олганда, ушбу "Катта Дубулға" турнирида сайёрамизнинг 5 қитъаси 121 давлатидан жами 740 (446 эркак, 294 аёл) нафар дзюдочи иштирок этади. Ғолибларнинг ўз ҳисобига 1000 рейтинг очкосини қўшиб қўйишининг ўзиёқ мусобақанинг қанчалик нуфузга эга эканлигидан дарак бериб турибди. 

Францияга йўл олган терма жамоа таркиби:

-60 кг: Шарофиддин Лутфуллаев, Кемран Нуриллаев  

-66 кг: Сардор Нуриллаев, Диёрбек Ўразбоев

-73 кг: Ҳикматуллоҳ Тўраев, Ғиёсжон Бобоев

-81 кг: Камолиддин Расулов, Шарофиддин Болтабоев

-90 кг: Давлат Бобонов

-100 кг: Муҳаммадкарим Ҳуррамов

+100 кг: Алишер Юсупов, Бекмурод Олтибоев

Қизлар:

-52 кг: Диёра Келдиёрова

-70 кг: Гулноза Матниязова

-78 кг: Нодира Йўлдошева

Бош мураббий - Илиас Илиадис

Мураббийлар - Бекзод Тўрабоев, Ўктам Раҳмонов, Тому Тори, Равшан Аҳмаджонов

Шифокорлар - Жавлон Ҳасанов, Азиз Қаюмов

Делегация раҳбари - Азизжон Камилов