06 фев 13:51
Янгиликлар

Дзюдо

Дзюдочиларимиз Хумсонда машғулотларга киришишди

Дзюдо бўйича Ўзбекистон терма жамоаси аъзолари Тошкент вилоятининг Бўстонлиқ туманида жойлашган “Хумсон” сиҳатгоҳида йиғин бошлашди.

Ушбу ўқув-машғулот йиғинида асосий таркиб дзюдочилари билан бирга терма жамоага номзод истеъдодли ёшлар ҳам иштирок этишяпти. Мазкур йиғин Германиянинг Дюссельдорф шаҳрида ўтказиладиган “Катта Дубулға” туркумига кирувчи турнирга тайёргарлик босқич вазифасини ўтаб беради.

Фарҳод Тўраев бошчилигидаги машғулотларда Диёрбек Ўрозбоев, Шаҳрам Аҳадов, Ғиёсжон Бобоев, Шерали Жўраев, Бекмурод Олтибоев, Гулноза Матниязова, Амина Мамедова сингари терма жамоамизнинг етакчи дзюдочилари бор.