ЕЧЛ. Плей-оффнинг барча иштирокчилари аниқ бўлди: Англиядан тўртта клуб плей-оффда ўйнайди

Ўз гуруҳларида «Манчестер Сити», «Ливерпуль», «Аякс», «Реал», «Бавария», «Манчестер Юнайтед», «Лилль» ва «Ювентус» жамоалари биринчи ўринни эгаллашди. 

«ПСЖ», «Атлетико», «Спортинг», «Интер», «Бенфика», «Вильярреал», «Зальцбург» ва «Челси» эса иккинчи ўрин билан плей-оффга йўл олди. 

Шу тариқа, 1/8 финал босқичида Англиядан тўртта жамоа ўйнайди. Испаниядан учта, Италия, Португалия ва Франциядан иккитадан, Германия, Нидерландия ва Австриядан биттадан жамоа чорак финал йўлланмаси учун кураш олиб боради.