Эгамберган Искандаров: "Келажакда Ўзбекистон байроғини янада баландларга кўтараман"

Ушбу жаҳон чемпионатининг ўсмирлар ўртасидаги беллашувларида -53 кг вазнли Эгамберган Искандаров барча рақибларини мағлубиятга учратиб, олтин медални қўлга киритди.

Ўзбекистон самбо ассоциацияси матбуот хизмати ёш чемпионнинг фикрлари билан қизиқди. 

"Самбо билан 7 йилдан буён шуғулланаман. Бунгача 4 маротаба Ўзбекистон, 2 маротаба Осиё чемпиони бўлганман. Бир неча кун олдин Грециянинг Салоники шаҳрида бўлиб ўтган жаҳон чемпионатида барча рақибларимни мағлубиятга учратиб, олтин медални қўлга киритдим. Бундан жудаям хурсандман. 

Фурсатдан фойдаланиб, ушбу даражага етиб келишимда мени қўллаб-қувватлаб турган ота-онам ва мураббийларим, шунингдек Ўзбекистон самбо ассоциацияси раиси Алишер Алимовга ўз миннатдорчилигимни билдираман.

Келажакда бундан ҳам юксак ютуқларни қўлга киритиб, Ўзбекистон байроғини баландларга кўтармоқчиман", - деди Эгамберган Искандаров.