05 май 12:53
Янгиликлар
Футбол
Эксперт ҳакамлар комиссияси: Ҳакамлар "Навбаҳор" ва "Андижон" дарвозаларига хато пенальти белгилашган
Суперлиганинг 8-туридан ўрин олган ўйинлар якунига кўра бир нечта баҳсли вазиятлар юзага келди.
Биз шулардан иккитаси бўйича ЎзФҲМ бош директори вазифасини бажарувчиси Маъмур Саидқосимовдан изоҳ олдик:
"Қизилқум" - "Навбаҳор" учрашуви сўнгги дақиқаларида бош ҳакам Аҳрол Рисқуллаев меҳмонлар дарвозаси томон пенальти белгилаган. Эксперт ҳакамлар комиссияси бу вазиятни кўриб чиқди ва тўп футболчининг қўлига тегмагани аниқланди. Хулоса: Аҳрол Рисқуллаев пенальтини нотўғри белгилаган.
ОКМК - "Андижон" учрашувининг 85-дақиқасида бош ҳакам Рустам Лутфуллин меҳмонлар дарвозаси томон пенальти белгилаган. Эксперт ҳакамлар комиссияси бу вазиятни кўриб чиқди ва бундай вазиятлар учун пенальти белгилаш тавсия этилмайди деган хулосага келишди. Хулоса: Рустам Лутфуллин пенальтини нотўғри белгилаган.
Ҳавола :
Манба : championat.asia
Фикрлар