Элина Свитолина Чикагодаги юришини бошлади

Сайёрамизнинг олтинчи рақамли теннис маликаси Элина Свитолина мусобақадаги иштирокини ғалаба билан бошлаб олди. Украиналик теннисчи Chicago Fall Tennis Classic турнирининг иккинчи даврасида рейтингнинг 82-поғонасидан жой олган америкалик Аманда Анисимовани мағлуб этди - 6/4, 6/3.

Саксон дақиқа давом этган баҳсда Элина 2 та эйс, 5 та брейкни амалга оширди. Теннисчиларнинг ўзаро учрашувларидаги ҳисоб Свитолина фойдасига бўлиб туриди - 3:1. Энди Элина учинчи даврада руминиялик Елена-Габриэла Рузега қарши кортга чиқади. У ўз ўрнида бошқа бир украиналик теннисчи Катерина Козловадан 7/5, 6/2 ҳисобларида устун келди.