29 мар 09:58
Янгиликлар

Теннис

Элина Свитолина латвиялик теннисчига ютқазиб қўйди

АҚШнинг Майами шаҳрида ўтказилаётган хотин-қиз теннисчилар ўртасидаги нуфузли турнир ўзининг қизғин палласига кирди.

Дунёнинг тўртинчи ракеткаси ҳисобланган Элина Свитолина чорак финал учрашувида мағлубият аламини тотиб кўрди. Украиналик теннис маликаси латвиялик Елена Остапенкога 1 соату 48 дақиқа давом этган баҳсда 6:7(3), 6:7(5) ҳисобида имкониятни бой берди.

Остапенконинг ярим финалдаги рақибаси америкалик Даниэль Коллинз бўлади. Дунё теннисчилари рейтингида 93-ўринни эгаллаб турган америкалик бу теннисчи катта шов-шув кўтаришга улгурди. У чорак финалда ҳамюрти Винус Уильямсга ҳеч қандай имконият қолдирмади.