Элина Свитолина Монтеррейда россиялик рақибини мағлуб этди

Сайёрамизнинг 15-рақамли теннис маликаси Элина Свитолина мусобақанинг илк даврасида WTA рейтингида ўзидан роппа-роса 100 поғона пастда бораётган россиялик Анастасия Потаповага қарши кортга чиқди. 

Олтмиш тўрт дақиқа давом этган баҳсдада Свитолина рақибасидан 6/2, 6/1 ҳисобида устун келди. Бу теннисчиларнинг ўзаро илк учрашуви эди. Элина 3 та, 20 ёшли Анастасия 2 та эйс зарбасини амалга оширган. Энди 27 ёшли Свитолина Abierto GNP Seguros турнирининг иккинчи босқичида болгариялик Виктория Томовага қарши кортга чиқади.