16 май 13:25
Янгиликлар

Теннис

Элина Свитолина она бўлади + ФОТО

Украиналик теннис маликаси Элина Свитолина ва унинг турмуш ўртоғи Гаэль Монфис ота-оналик бахтига муяссар бўлишади.

Бу ҳақда Свитолина ўзининг Instagram саҳифасида хабар берди.

"Чин юракдан, тўла муҳаббат ва бахтга тўлган ҳолда октябрь ойида қизалоғимиз дунёга келишини кутаётганимизни эълон қилмоқчиман", - дея сурат остида изоҳ қолдирган Элина.

Маълумот учун, Свитолина ва Монфиснинг тўйи 2021 йилнинг ёзида бўлиб ўтган эди. Бир муддат аввал украиналик теннисчи бу йилги турнирларда иштирок эта олмаслигини маълум қилганди.