Элнур Абдураимовнинг АҚШдаги жанги биринчи раунддаёқ якунланди

Ушбу жанг оқшомида ўзбекистонлик боксчи Элнур Абдураимов мексикалик Леонель Моренога (11-3-1,9 КО) қарши рингга кўтарилди. 

Жанг вакант бўлиб турган IBF North American камари учун ташкил этилди. 

10 раундга мўлжалланган жанг 1-раунддаёқ якунланди. Баҳснинг 1-дақиқаси охирига етиб бораётган бир пайтда боксчимиз чап қўлдаги кучли зарбаси орқали рақибини йиқитди. Ўз навбатида Морено жангни давом эттира олмади. 

Шу тариқа Элнур фаолиятидаги 10-жангида ҳам рақибини мағлубиятга учратди. У рақибларининг 9 тасини муддатидан олдин мағлуб этган.