Энди Маррей грунт мавсумини ўтказиб юборади

"Ҳозир жорий йилги мавсумда грунт кортда ўйнашни режалаштирмаяпман. Сўнгги икки йил ичида менда соғлигим билан боғлиқ муаммолар бор эди ва тупроқли кортда ҳаммаси янада ёмонлашди. Мен жамоам билан маслаҳатлашдим ва биз таваккал қилмаслик яхшироқ деган қарорга келдик.

Гап бошқа ҳеч қачон тупроқли кортда ўйнамаслик ҳақида эмас, фақат шу мавсум ҳақида кетяпти. Ўтган йили мен "Уимблдон"ни ва бутун майсали мавсумни деярли ўтказиб юбордим, шунинг учун ҳозир "Уимблдон" турнирига эътиборимни қаратишга қарор қилдим. 

Мен ҳали ҳам рақобатбардошликни сақлаб қолишга ҳаракат қиляпман. Бу менинг ҳозирги режам. Умид қиламанки, майсали кортда ўтадиган мавсумга яхши тайёргарлик кўраман", - деди Маррей.