Энди Маррей россиялик 158-ракеткага ютқазиб қўйди

Кутилмаганда дунёнинг собиқ биринчи ракеткаси, айни пайтда ATP рейтингида 116-поғонадан жой олган британиялик Энди Маррей иккинчи давра учрашувида россиялик Роман Сафиуллинга 2/6, 6/4, 1/6 ҳисобларида имкониятни бой бериб қўйди.

Бир пайтлар ҳамюртимиз Жўрабек Каримовга ютқазган Роман ҳозирда ATP рейтингида 158-ўринни эгаллаб турибди. Бир соату 52 дақиқа давом этган баҳсда Энди 8 та, Роман эса 14 та эйс зарбасини ижро этди. Бу теннисчиларнинг ўзаро ўтказган илк учрашуви эди.