05 ноя 18:15
Янгиликлар
Кураш
Эртага Ислом Бирдамлик ўйинларида Кураш бўйича баҳслар ўтказилади
6-21 ноябрь кунлари Саудия Арабистонининг пойтахти Ар-Риёд шаҳрида Ислом давлатларининг энг йирик спорт мусобақаси — VI Ислом Бирдамлик ўйинлари бўлиб ўтади.
Ушбу нуфузли мусобақа 20 йилдан кейин яна Саудия Арабистонида ташкил этилмоқда. Илк бор ўйинлар 2005 йилда Жидда, Мадина, Макка ва Тоиф шаҳарларида бўлиб ўтган эди.
Бу йил Кураш спорт тури тарихда биринчи бор Ислом Бирдамлик ўйинларининг дастурига кўргазмали спорт тури сифатида киритилди. Беллашувларда эркаклар: –66 кг, –81 кг ва аёллар: –57 кг, –70 кг вазн тоифаларида баҳс олиб боради.
Кураш мусобақалари 6 ноябрь куни Ар-Риёддаги Boulevard Arena 01B спорт мажмуасида ўтказилади.
Айни кунгача, Саудия Арабистонига 57 та давлатдан 3500 дан ортиқ иштирокчи келган бўлиб, спортчилар 23 та спорт турида медаллар учун кураш олиб борадилар.
Ўйинларнинг Расмий очилиш маросими 7 ноябр, ёпилиш маросими эса 21 ноябрь куни бўлиб ўтади.
Ҳавола :
Манба : ika.org
Фикрлар