Эртага катталар ўртасидаги Ўзбекистон чемпионати бошланади

"Универсал" спорт мажмуасида ўтказиладиган мамлакат чемпионатида Қорақалпоғистон Республикаси, барча вилоятлар ҳамда Тошкент шаҳридан жами 500 нафарга яқин сараланган дзюдочилар татамига чиқади. Бугун куннинг иккинчи ярмида Ўзбекистон чемпионатига қуръа ташлаш ҳамда илк кунги беллашувларда татамига чиқадиган дзюдочиларни тарозидан ўтказиш маросими бўлиб ўтади.   

Кеча эса чемпионат беллашувларида ҳакамлик қиладиган реферилар учун семинар ташкил этилди. Уни халқаро тоифадаги IJF реферилари - Рамзиддин Саидов ва Вячеслав Перетейко олиб боришди. 

Дарвоқе, мусобақа кунлари парадзюдо бўйича ҳам Ўзбекистон чемпионати ўтказилади. Саралаш баҳслари ҳар куни соат 10:00да, соат 17:00да эса медаллар учун финал беллашувлари бошланади. 

Мусобақа дастури: 

4 декабрь ("Универсал" спорт саройи)

Эркаклар (дзюдо): -60, -66 кг. Аёллар: -48, -52, -57 кг 

Эркаклар (пара-дзюдо): -60, -66 кг. Аёллар (пара-дзюдо): -48, -52 кг 

5 декабрь ("Универсал" спорт саройи)

Эркаклар (дзюдо): -73, -81, -90 кг. Аёллар: -63, -70 кг 

Эркаклар (пара-дзюдо): -73, -81, -90 кг. Аёллар (пара-дзюдо): -57, -63 кг  

6 декабрь ("Универсал" спорт саройи)

Эркаклар (дзюдо): -100, +100 кг. Аёллар: -78, +78 кг 

Эркаклар (пара-дзюдо): -100, +100 кг. Аёллар (пара-дзюдо): -70, +70 кг