21 дек 09:09
Янгиликлар

Дзюдо

Эртага ўсмирлар ўртасида Ўзбекистон чемпионати старт олади, бугун қуръа!

22-24 декабрь кунлари Ўзбекистон дзюдо федерациясининг жорий йил тақвим режасидан ўрин олган сўнгги мусобақаси ўтказилади.

Шу кунлари пойтахтимиздаги Мудофаа вазирлигига қарашли МҲСК спорт мажумаси залида ўсмирлар ўртасида Ўзбекистон чемпионати бўлиб ўтади. Уч кун давомида мамлакатимизнинг 2005-2006 йилларда таваллуд топган энг кучли ўсмир дзюдочилари аниқланади.

Мусобақа иштирокчилари сонининг 800 нафардан зиёд экани беллашувларнинг муросасиз ўтишига замин яратмоқда. Бугун дзюдочиларни рўйхатдан ўтказиш ҳамда Ўзбекистон чемпионатига қуръа ташлаш маросимлари ўтказилади. Шунингдек, ҳакамлар учун ҳам семинар ташкил этилади.