24 окт 13:40
Янгиликлар

Теннис

European Open турнирида финалчилар маълум

Бельгиянинг Антверпен шаҳрида теннис бўйича European Open турнири бўлиб ўтмоқда.

Дунёнинг 16-ракеткаси, италиялик Янник Синнер ярим финал учрашувида ЖАР вакили, ATP рейтингида 32-поғонадан жой олиб турган Ллойд Харрисни мағлубиятга учратди - 6/2, 6/2.

Бир соату 26 дақиқа давом этган баҳсда 20 ёшли Синнер ҳам, 24 ёшли Харрис ҳам 2 тадан эйс зарбани амалга оширишди. Бу теннисчиларнинг ўзаро ўтказган илк учрашуви эди. Бугун Янник European Open бош соврини учун аргентиналик Диего Шварцманга қарши кортга чиқади.