11 апр 07:46
Янгиликлар

Дзюдо

Европа чемпионатининг янги санаси маълум қилинди

Европа дзюдо иттифоқи қитъанинг энг нуфузли мусобақасининг янги санасини эълон қилди.

Иттифоқ қарорига кўра, Европа чемпионати кузга кўчирилди ва 8-10 ноябрь кунлари бўлиб ўтади. Мусобақа манзили ўзгармади ва аввалбошдан белгиланганидек, Чехия пойтахти Прага шаҳрида ўтказилади.

Европа дзюдо иттифоқининг бундай қарорга келишига Халқаро дзюдо федерациясининг 30 июнгача барча мусобақаларни бекор қилгани сабаб бўлди. Аслида қитъа чемпионати 1-3 май кунлари ўтказилиши керак эди. Кейин коронавирус пандемияси сабаб турнир 19-21 июнга кўчирилганди.