Европа лигасида ҳафтанинг энг яхши футболчиси аниқланди

УЕФА расмий сайти берган хабарга кўра, “Бешиктош” клубининг голландиялик ярим ҳимоячиси Жермейн Ленс ҳафтанинг энг яхши футболчиси деб тан олинди. 

Мухлислар ўртасида ўтказилган сўровномада ғолиб чиққан Ленс жамоаси сафида “Сарпсборг” (3:2) клубига қарши кечган баҳсда иккита гол уриб, битта голга ҳаммуаллифлик қилганди. 

Натижада “Бешиктош” етти очко жамғариб I гуруҳида иккинчи поғонага кўтарилди ва плей оффга чиқиш учун кураш олиб бормоқда. Сўровномада Ленс Ҳоқон Чалханўғли (“Милан”) ва Оливье Жиру (“Челси”)ни ортда қолдирди.