05 мар 22:45
Янгиликлар
Дзюдо
Европа Очиқ чемпионати. Раҳимжон Субҳонов бронза медали соҳиби!
Хабарингиз бор, Чехия пойтахти Прага шаҳри дзюдо бўйича Европа Очиқ чемпионатига мезбонлик қилмоқда.
Дунёнинг 5 қит`аси 42 мамлакати вакиллари иштирок этаётган мусобақада Ўзбекистон терма жамоасининг ёш дзюдочилари ҳам медаллар ҳамда рейтинг очколари учун татамига чиқишяпти.
Қувонарлиси, биринчи кунги беллашувлар терма жамоамиз а`золари учун медал билан якунланди. Бугунги баҳсларда олти нафар дзюдочимиз ўз имкониятини синовдан ўтказди. -66 кг вазнда юртимиз шарафини ҳимоя қилган Раҳимжон Субҳонов Европа Очиқ чемпионати совриндорига айланди.
У бронза медали учун кечган беллашувда франциялик Робин Коррадони мағлубиятга учратди. Раҳимжон бронза йўлидаги ўтиш баҳсида британиялик Майкл Фреердан устун келган эди.
Ҳавола :
Манба : olamsport.com
Фикрлар