04 авг 14:19
Янгиликлар

Дзюдо

Европада дзюдо рестарти яна кейинроққа сурилди

Европа қитъасида дзюдо мавсумининг рестарти сентябрь ойига мўлжалланган эди.

Лекин коронавирус пандемияси билан боғлиқ вазият сабаб мавсум рестарти номаълум муддатга кечиктирилди. Аслида Европа дзюдо Иттифоқи сентябрь ойидан мусобақаларни бошлашни режалаштирган эди.

Мусобақалар тақвимидан Братиславада ўтиши керак бўлган Европа Очиқ Кубоги (12-13 сентябрь) ҳамда Бухарестдаги турнир (26-27 сентябрь) олиб ташланган. Шунингдек, 18-20 сентябрь кунларига мўлжалланган Загреб Гран-приси ҳам бекор қилинган. Янги саналар бўйича маълумот берилмаган.