"F5 Nur-Sultan M25". Фоминда ғалаба, Шин эса мағлуб бўлди

Ушбу мусобақада икки нафар теннисчимиз ҳам ўз имкониятларини синовдан ўтказишяпти.

Турнирнинг илк даврасида украиналик Микҳаило Моссурга қарши кортга чиққан мамлакатимизнинг иккинчи ракеткаси Сергей Фомин рақибини икки сетда бир хил 6/4, 6/4 ҳисоби билан мағлуб этди. Шу тариқа, Фомин мусобақанинг 1/8 финал босқичига йўл олди. Теннисчимизнинг кейинги босқичдаги рақиби белоруслик Иван Луитаревич бўлади. 

Мусобақанинг 1/16 босқичида ҳиндистонлик Праджнеш Гуннесваранга қарши баҳс олиб борган ёш теннисчимиз Максим Шин эса афсуски, 3/6, 1/6 ҳисобида имкониятни бой бериб қўйди ва илк давраданоқ мусобақани тарк этди.