14 июл 12:26
Янгиликлар

Теннис

"F5 Nur-Sultan M25". Сергей Фомин 1/4 финалда

Қозоғистоннинг Нур-Султон шаҳрида ITF таснифига кирувчи "F5 Nur-Sultan M25" турнир бўлиб ўтмоқда.

Мусобақада мамлакатимизнинг иккинчи ракеткаси Сергей Фомин ҳам муваффақиятли иштирок этяпти. Ҳамюртимиз ҳозиргина якунига етган нимчорак финал учрашувида қийин ғалабани қўлга киртитди. У беларуслик Иван Лютаревични 7/6(3), 6/4 ҳисобида таслим этди.

Бир соату 44 дақиқа давом этган баҳсда ҳар икки теннисчи ҳам 6 тадан эйс зарбасини амалга оширишган. Қўшхатолар Фоминда 2 та, Лютаревичда 4 тани ташкил этди. Сергей ATP рейтингида 408, Иван эса 788-поғонадан жой олган. Турнирнинг бешинчи ракеткаси бўлган Сергей Фоминнинг рақиби бироздан сўнг бошланадиган Карловский - Стетхэм учрашувида аниқланади.