Фабио Каннаваро: "Ҳар бир футболчи ўзини миллий терма жамоанинг бир қисми бўлишини ҳис қилиши зарур"

Италиялик мутахассис мазкур ўқув-машғулот йиғинининг аҳамиятини тушунтириб берди. 

"Бу йиғин мен ва штабим учун жуда муҳим эди. Охирги 4 ой давомида ички чемпионатдаги жуда кўплаб ўйинларни кузатдик. Кўплаб футболчиларни кўрдик ва бу йиғин бевосита улар билан ишлаш имкониятини берди. Мен ҳар бир футболчи билан алоҳида гаплашдим, чунки уларнинг ҳам фикрини билишни истайман. Олдимизда Жаҳон чемпионати ва Осиё Кубоги борлигини, демак ҳамма тайёр туриши кераклигини таъкидладим. Ҳар бир футболчи ўзини миллий терма жамоанинг бир қисми бўлишини ҳис қилиши зарур. Футболда ҳамма нарса тез ўзгаради, жароҳатлар бўлиши эҳтимолдан йўқ эмас. Жаҳон чемпионатида қатнашиш учун ҳаммада имконият борлигини тушунишлари керак. Менимча, мазкур йиғин футболчилар учун жуда фойдали бўлди",- дейди Каннаваро.