29 июл 09:17
Янгиликлар

Дзюдо, Париж-2024

ФАКТ: Ўзбек дзюдоси тарихида илк бор Олимпиада олтин медали қўлга киритилди

Кеча дзюдо бўйича Ўзбекистон терма жамоаси аъзоси Диёра Келдиёрова 52 кг вазн тоифасида Париж Олимпиадасида ғолибликни қўлга киритган эди.

Диёра ўзбекистонлик дзюдочилар орасида биринчи бўлиб Олимпиада ғолибига айланди. Дзюдочиларимиздан Армен Багдасаров (Атланта-96) ва Абдулло Тангриев (Пекин-2008) Олимпия ўйинларида кумуш, Ришод Собиров уч маротаба бронза қўлга киритган. Шунингдек, Диёрбек Ўрозбоев ва Давлат Бобонов ҳисобида ҳам биттадан бронза медали мавжуд.

Ҳамюртимиз бу натижа орқали ўзбекистонлик аёл спортчилар орасида ёзги Олимпиадалардаги биринчи олтин медални қўлга киритган спортчига айланди. Бунгача ўзбекистонлик аёл спортчиларидан фақатгина трамполиндан сакраш баҳсларида Екатерина Хилько (2008 йил, бронза) Олимпиада совриндори бўлган эди.