14 сен 10:40
Янгиликлар
Бокс/ММА
Фанат Қаҳрамонов: Олдимга юқори мақсадларни қўйганман
Екатеринбург шаҳрида бокс бўйича жаҳон чемпионати давом этмоқда.
Бугун мусобақа доирасида 1/16 финал жанглари ташкил этилади. Биз мазкур баҳслар олдидан терма жамоамиз аъзоси Фанат Қаҳрамоновнинг фикрлари билан қизиқдик.
"Бугун иккинчи жангимда рингга кўтариламан. Рақибим австралиялик кучли боксчи ҳисобланади.
Жаҳон чемпионатида илк маротаба иштирок этаяпман. Лекин, шунга қарамай олдимга юқори мақсадларни қўйганман. Насиб қилса, байроғимизни кўкларга кўтариб, Ўзбекистонга олтин медаль билан қайтиш ниятим бор. Қўллаб-қувватлаб туринглар, дуоларингиз орқали биз чемпион бўламиз", - деди Фанат Қаҳрамонов.
Эслатиб ўтамиз, Фанат Қаҳрамонов 1/16 финал доирасида австралиялик Адриан Каммаранога қарши жанг қилади. Ушбу жанг бугун Тошкент вақти билан тахминан 17:00дан сўнг бошланади.
Ҳавола :
Манба : olamsport.com
Фикрлар