23 июн 16:44
Янгиликлар

Теннис

Фарғона “Фьючерс”. Абдураимова финалда ўйнайди

Фарғона шаҳридаги “Истиқлол” теннис кортларида “Фьючерс” туркумига кирувчи турнирнинг асосий тўр баҳслари давом этмоқда.

Ушбу мусобақанинг мукофот жамғармаси 25 000 АҚШ долларини ташкил қилади. Мамлакатимизнинг иккинчи рақамли теннисчиси Нигина Абдураимова ҳозиргина якунига етган ярим финал учрашувида ғалабага эришди.

Мусобақанинг учинчи ракеткаси сифатида қайд этилган ҳамюртимиз олтинчи рақам остида ҳаракат қилган россиялик Варвара Флинкни 6:2, 6:4 ҳисобида мағлуб этиб, финалга йўл олди. Энди у эртага бош мукофот учун кечадиган баҳсда россиялик Анастасия Фроловага қарши кортга чиқади.