23 июн 11:28
Янгиликлар
Теннис
Фарғона “Фьючерс”. Сабина Шарипова илк ярим финалчи!
Хабар берганимиздек, шу кунларда Фарғона шаҳридаги “Истиқлол” теннис кортларида “Фьючерс” туркумига кирувчи турнир давом этмоқда.
Соврин жамғармаси 25 000 АҚШ долларини ташкил қилувчи мусобақанинг яккалик баҳсларида бугун чорак финал учрашувлари ўтказиляпти. Мусобақанинг биринчи ракеткаси Сабина Шарипова биринчилардан бўлиб ярим финал йўлланмасини қўлга киритди.
Ҳамюртимиз 1 соату 4 дақиқа давом этган чорак финал учрашувида саккизинчи рақам остида таснифланган қозоғистонлик Гўзал Айнитдиновани икки сетда ҳам бир хил 6:2 ҳисобида мағлуб этди.
Айни дақиқаларда яна бир ҳамюртимиз турнирда учинчи рақам остида ҳаракат қилаётган Нигина Абдураимова олтинчи ракетка Камила Керимбаева билан муносабатларига ойдинлик киритмоқда. Биринчи сетда Нигина 6:3 ҳисобида ғалаба қозонган эди.
Ҳавола :
Манба : olamsport.com
Фикрлар