Фарғонада ҳам «Соғлом ҳаёт сари 5000 қадам» тадбири ташкил этилди

Айниқса, пандемия даврида жамиятда соғлом турмуш тарзини шакллантириш, касалликларнинг олдини олиш, аҳоли кенг қатламларини, айниқса кексалар ва ёшларни жисмоний тарбия ва спорт билан шуғулланишга жалб этиш, оммавий спортнинг инсон ва оила ҳаётидаги муҳим аҳамиятини тарғиб этиш борасида кенг кўламли ишлар амалга оширилмоқда.

Фарғона вилояти ҳокими ҳамда вилоят жисмоний тарбия ва спорт бошқармаси ташаббуси билан ташкил қилинган оммавий юриш марафони оммавий спорт тадбирларининг мантиқий давоми ва чинакам спорт байрами бўлди.

Бугун «Соғлом ҳаёт сари 5000 қадам» шиори остида юриш марафони ҳамда эрталабки бадантарбия машғулотлари Фарғона вилояти ҳокимининг туризм ва спортни ривожлантириш масалалари бўйича маслаҳатчиси Аҳмедов Хуршиджон Рустамович иштирокида ўтказилди. Юриш марафонига Фарғона шаҳридаги И.А.Каримов номидаги санъат саройи майдонидан старт берилди. Иштирокчилар белгиланган масофани босиб ўтгач, шу майдонда бадантарбия машқларини бажаришди.

Бундай тадбирлар вилоятнинг барча ҳудудларда ўтказилмоқда.