22 ноя 12:04
Янгиликлар

Теннис

Файзиев Пунадаги турнирнинг чорак финалида кортга чиқди

Ҳиндистоннинг Пуна шаҳрида теннис бўйича “Челленжер” туркумига кирувчи турнир давом этмоқда.

Соврин жамғармаси 50 000 АҚШ долларини ташкил қилувчи ушбу мусобақада Жўрабек Каримов, Ҳумоюн Султонов ва Санжар Файзиев иштирок этишган ва уларнинг бари саралаш баҳсларида мағлубиятга учрашган эди.

Биргина Файзиев рейтинги бўйича турнирнинг жуфтлик баҳсларида қатнашиш ҳуқуқини қўлга киритганди. Қозоғистонлик Александр Недовесов билан жуфтлик ҳосил қилган Санжар илк даврада ғалабага эришди. Лекин чорак финал учрашувида улар мезбонлар - Вижай Прашант ва Рамкумар Раманатанга 3:6, 4:6 ҳисобида имкониятни бой беришди.