Файзиев – Shymkent Open турнири вице-чемпиони!

Ҳозиргина ушбу мусобақанинг ҳал қилувчи финал учрашуви бўлиб ўтди. Бош мукофот учун кортга турнирнинг тўртинчи ракеткаси, ҳамюртимиз Санжар Файзиев ҳамда мусобақада учинчи рақам остида ҳаракат қилган россиялик Иван Гаховлар кортга чиқишди.

Икки соату 45 дақиқа давом этган учрашувда Гахов 6:2, 5:7, 6:2 ҳисобида зафар қучиб, бош мукофотни қўлга киритди. Файзиев ярим финалда турнирнинг иккинчи ракеткаси, россиялик Александр Игошиндан 1:6, 6:2, 7:6(1) ҳисобида устун келганди.

19 ёшли Иван Гахов эса ярим финалда ҳамюрти, мусобақанинг биринчи рақамли иштирокчиси Иван Неделкони 7:6(0), 4:6, 6:1 ҳисобида мағлубиятга учратган эди.