Файзиев Таиланддаги турнир финалида кортга чиқди

Соврин жамғармаси 15 000 АҚШ долларини ташкил қилувчи ушбу мусобақада ҳамюртимиз Санжар Файзиев ҳам иштирок этди. Мамлакатимизнинг иккинчи ракеткаси Таиланд турнирида ҳам иккинчи рақам остида ҳаракат қилди.

Санжар ҳозиргина якунига етган финал учрашувида турнирнинг биринчи ракеткаси россиялик Роман Сафиуллинга қарши кортга чиқди. Икки соату 55 дақиқа давом этган драматик баҳсда Файзиев рақибига 5:7, 6:4, 4:6 ҳисобида ютқазиб қўйди. Теннисчимиз учинчи сетда 4:2 ҳисобида олдинга ҳам чиқиб олганди, лекин якунда вице-чемпионлик билан чекланди.