31 окт 08:02
Янгиликлар

Теннис

Файзиев Таиланддаги турнирда илк учрашувини ўтказди

Таиланднинг Нонтабури шаҳрида теннис бўйича “Фьючерс” туркумига кирувчи ITF турнири бўлиб ўтмоқда.

Соврин жамғармаси 25 000 АҚШ долларини ташкил қилувчи ушбу мусобақада Санжар Файзиев ҳам иштирок этяпти. Ҳамюртимиз турнирнинг биринчи ракеткаси сифатида ҳаракат қилмоқда.

Файзиев мусобақанинг илк даврасида саралаш турнири орқали асосий тўрга етиб келган мезбон теннисчи Пол Ваттанакулни 4/6, 6/3, 6/4 ҳисобида мағлуб этди. Энди Санжар иккинчи босқичда ҳиндистонлик Карунудай Сингҳга қарши кортга чиқади.