19 мар 11:43
Янгиликлар

Теннис

Федерер Майамида 1/4 финалга етиб борса, рейтинг пешқадами бўлиб қолади

Индиан-Уэллс шаҳрида ўтган “Мастерс 1000” турнирининг финалида мағлубиятга учраган Рожер Федерер кейинги “Мастерс” мусобақаси якунига қадар рейтинг карвонбошиси бўлиб қолиш имкониятини йўққа чиқарди.

Рейтингда иккинчи ўринда бораётган Рафаэль Надаль Майами турнирида аниқ иштирок этмайди. Ўтган йили ушбу мусобақанинг финалида ўйнаган Надаль 600 очкодан маҳрум бўлади. Федерер амалдаги чемпион ҳисобланади ва биргина мағлубият сабаб 1000 очко йўқотади.

Бундай ҳолатда испаниялик теннисчида 8770, швейцариялик юлдузда эса 8660 очко қолади. Рожер Майамидаги турнирдан кейин ҳам пешқадам бўлиб қолиши учун камида 111 очко тўплаши шарт. Чорак финалга йўл олган теннисчилар 180 очкони нақд қилишади.