Федерер Надаль ва Жокович ҳақида фикр билдирди

"Қизиқарли баҳс. Охирги пайтлар Рафа ва Новак ақлбовар қилмас даражадаги ишларни амалга оширишяпти. Улар энди ёш эмас, лекин ўз позицияларидан воз кечмоқчи ҳам эмаслар. Жокович Австралияда, Надаль Парижда ғалаба қозонди. Улар ҳозир энг юқори чўққида ва бу теннис учун фақат фойдали.

Ҳозир соғлигим мени кўпроқ ташвишга солмоқда. Сампраснинг натижасига яқинлашганимда мен ҳам рекорд ҳақида ўйлардим. Уни забт этганингиздан сўнг эса сиз фақат олдинга боришингиз керак. Эҳтимол, энди иккиси буни қайд этишар, бир пайтлар мен Питга тенглашиб олганим каби.

Албатта, мен рекордларимни ўзимда сақлаб қолишни хоҳлайман, лекин улар теннисга мана шундай рекордларни бузиш учун келишган. Жокович ва Надаль ақлбовар қилмас ишларни қилишмоқда. Умид қиламанки, улар ғалаба қозонишда давом этишади ва якунда ўз фаолиятидан мамнун бўлишади.

Мен ўзимдан афсусланмаган ҳолда кетмоқчиман. Ва бу борада энди мени ҳеч нарса ташвишлантирмайди", - дея Федерернинг сўзларидан иқтибос келтиради Tennis Majors.