Федерерни мағлуб этган Потро Индиан-Уэллс турнири ғолиби бўлди

Соврин жамғармаси 8 909 960 долларни ташкил қилувчи турнирнинг ҳал қилувчи финал учрашувида дунёнинг саккизинчи ракеткаси бўлган Потро сайёрамизнинг биринчи рақамли теннисчиси Рожер Федерерга қарши кортга чиқди. 

Икки соату 42 дақиқа давом этган учрашувда аргентиналик теннисчи кучли рақибини 6:4, 6:7(8), 7:6(2) ҳисобида мағлуб этиб, бош мукофот соҳибига айланди. Бу 29 ёшли теннисчининг фаолиятидаги 22-соврини бўлди. 

Индиан-Уэллсдаги муваффақиятли иштирок аргентиналик теннисчига 1 340 860 доллар мукофот пули ҳамда роппа-роса 1000 рейтинг очкосини тақдим этди.