Федор Емельяненко Bellator рейтингида 3-ўринга кўтарилди

6 апрель куни Райан Бейдер Чейcк Конгони мағлуб этиб, оғир вазн тоифасида чемпионликни ҳимоя қилганди. Натижада, Конго рейтингда иккинчи ўриндан тўртинчи ўринга, Емельяненко учинчи бўлди, иккинчи ўринни эса Линтон Васселл эгаллади. Биринчи ўринни Валентин Молдавсеий эгаллаб турибди.

Эслатиб ўтамиз, аввалроқ россиялик жангчи фаолиятидаги сўнгги жангини август ойида Bellator чемпионлиги учун ўтказишни режалаштираётганини маълум қилган эди. Федор чемпионлик камари соҳиби Бейдер билан жанг қилиш истагини билдирди.

Федор ўзининг олдинги жангини Bellator 269 турнирида АҚШлик Тимоти Жонсонни мағлуб этган. Жонсон билан бўлиб ўтган жангда Фёдор биринчининг раунддаёқ нокаут билан ғалаба қозонди. Емельяненко аралаш яккакурашларда 47 та жанг ўтказган. Улардан 40 тасида ғалаба қозониб, олти марта мағлуб бўлган ва бир жанг ҳақиқий эмас деб топилган.