Федор Емельяненко Россия ММА иттифоқи раҳбарияти билан зиддият борлигини эълон қилди

Федор Емельяненко Россия ММА иттифоқи раҳбарияти билан зиддият борлигини эълон қилди. Афсонавий россиялик оғир вазнли Федор Емельяненко спорт федерацияси раҳбариятининг сиёсатига рози бўлмагани учун Россия ММА иттифоқи кузатув кенгаши раиси лавозимини тарк этди.

Бу ҳақда «Сўнгги император» ўзининг собиқ ҳамкасбларига юборган қуйидаги баёнотида маълум қилди:

«Азиз дўстлар! 2022 йил 30 мартдан бошлаб мен расмий равишда Россия ММА иттифоқи вакили эмасман, чунки мен Радмир Габдуллин ва Ленар Ганеевнинг ҳаракатлари ва сиёсатини қўллаб-қувватламайман. Сиз билан дўстона ва илиқ муносабатларни сақлаб қолиш мен учун жуда муҳим. Шу йиллар давомида спортимизни биргаликда ривожлантирганингиз учун сиздан миннатдорман. Эҳтимол, агар бирор нарса ўзгарса, мен Иттифоққа қайтаман. Ҳурмат билан, Федор Емеьляненко»

Эслатиб ўтамиз, дастлаб Федор Емельяненко Россия ММА иттифоқи президенти бўлиб ишлаган, бироқ кейинчалик раҳбарлик лавозимини Радмир Габдуллинга топширган.

Ушбу ёзда таниқли жангчи ўзининг профессионал фаолиятини Қизил майдондаги жанг билан якунлаши керак эди, аммо Bellator раҳбарияти тадбирни Россия бекор қилганини эълон қилиб, «Сўнгги император» билан хайрлашув жангини бошқа жойда ташкил этишга ваъда берди.