14 мар 16:28
Янгиликлар

Теннис

Феликс Оже "Мастерс"даги иштирокини якунлади

АҚШнинг Индиан-Уэллс шаҳрида ўтказилаётган "Мастерс" сериясига кирувчи турнирнинг иккинчи ҳафтаси бошланди.

Кутилмаганда дунёнинг тўққизинчи ракеткаси Феликс Оже мусобақадаги иштирокини тўхтатди. Канадалик 21 ёшли Оже ATP рейтингида 47-поғонада бораётган нидерландиялик Ботика ван де Зандшульпга 6/7(4), 7/6(4), 3/6 ҳисобида ютқазиб қўйди.

Уч соату 15 дақиқа давом этган баҳсда Оже 8 та, 26 ёшли Зандшульп эса 4 та эйс зарбасини амалга оширди. Теннисчиларнинг ўзаро учрашувларидаги мувозанат тикланди - 1:1. Энди Ботика BNP Paribas Open турнирининг кейинги босқичида сербиялик Миомир Кечмановичга қарши кортга чиқади.