"Фенербахче" президентининг кокаинга топширган тести мусбат чиқди

"Фенербахче" президенти Садеттин Сараннинг гиёҳванд моддалар учун топширган тести мусбат чиқди, дея хабар беради "Fanatik".

Манба маълумотларига кўра, ўтган жума куни Саран "гиёҳванд моддаларни тарқатиш, истеъмол қилиш ва истеъмолга кўмаклашиш" иши бўйича кўрсатма бериш учун судга чақирилган. "Фенербахче" президентидан гиёҳванд моддалар бор-йўқлигини аниқлаш учун тестга сочидан намуна олинган – таҳлил кокаинга мусбат натижа кўрсатган.

Хабар қилинишича, Суд-тиббиёт экспертизаси институтининг хулосаси Истанбул Бош прокуратурасига юборилган. Саран гаров эвазига ва мамлакатдан чиқмаслик тўғрисидаги тилхат билан озод қилинган.