30 мар 17:43
Янгиликлар

Бокс/ММА

Фергюсон Хабибга: 18 апрелга ҳеч қанча қолмади, сен эса Россияда беркиниб юрибсан!

Тони Фергюсон амалдаги UFC чемпиони Хабиб Нурмагомедовни Россияга қочиб кетганликда айблади.

Куни кеча Россия ҳукумати 30 мартдан барча ҳаво йўллари ёпилишини эълон қилганди. Бу хабарни эшитган Нурмагомедов эса ўз жамоаси билан АҚШдан Россияга қайтганди.

"18 апрелга ҳеч қанча вақт қолмади. Сен эса Россияда беркиниб юрибсан. Хатто ҳаво йўлларига қўйилган тақиқ ҳам ҳам сенга сабоқ бериб қўйишим учун тўсқинлик қила олмайди. Ўзингни оқлашга, баҳона топишга уринма", - дея ўзининг Твиттер саҳифасида хабар қолдирган Фергюсон.

Маълумот учун, 31 ёшли Нурмагомедов фаолияти давомида ўтказган 28 та жангининг барчасида ғалаба қозонган. 36 ёшли Фергюсонда эса 25 ғалаба ва 3 та мағлубият бор.